Todo un curso escolar

 Posiblemente algúns dos  momentos máis felices do pasado curso escolar. Unha recopilación de fotos de todo o curso presentadas coa aplicación Canva. Espero que vos guste.

Todo un curso escolar(2022-2023) de Ramon Pastoriza

VIAXE EN TREN

   Por fin chegou o día da representación. Hoxe, os de 2º, despois de moitos días de ensaio e preparación de escenografía(máscaras, disfraces, tren,...) puidemos por en escea a peza teatral "Viaxe en tren", de Euloxio R. Ruibal. Esperamos que vos gustase; nós pasámolo moi ben. QUE NUNCA SE PERDA A MAXIA DO TEATRO!

"Viaxe en tren".(Representación teatral)

O noso tren de Ramon Pastoriza

GRANXEIROS POR UN DÍA

     O pasado luns, 5 de xuño, fixemos a última saída deste curso; visitamos o Ecoparque Atalaya, en Viascón(Cerdedo-Cotobade). Démoslle de comer aos animais:  galiñas, pombas, patos, ovellas, cabras,... Tamén puidemos ver cabalos e un porco celta. Ah!, e un burro!

     Despois de facer unha pausa para repoñer forzas, leváronnos a unha pequena horta na que plantamos millo e tamén fixemos unha plantación en altura con medias botellas de auga. Despois trouxémola para o colexio. Pasámolo moi ben e esperamos poder volver outro ano. Sería moi chulo poder

tirarse pola tirolina que teñen!

VISITAMOS A CASA-MUSEO ROSALÍA DE CASTRO

 O pasado 25 de maio os alumnos e mestres de 1º, 2º e 5º visitamos a Casa-Museo de Rosalía de Castro, tamén coñecida pola Casa da Matanza, situada en Padrón (A Coruña). A nosa universal poeta viviu ao longo da súa vida en distintas casas; aquí pasou os derradeiros anos da súa vida. Se fas clic AQUÍ podes atopar máis información sobre esta Casa e a obra da escritora máis sobranceira do Rexurdimento galego.

ACCIÓNS PARA SALVAR O NOSO PLANETA

Os alumnos de 2º xuntámonos por equipos. Preguntámonos que podiamos facer para protexer o noso planeta. Tivemos que chegar a acordos para plasmar as ideas máis importantes nun mural,sen repetirnos. Démonos conta de que non é doado poñernos a todos de acordo... pero é necesario aprender a facelo!

Como podemos protexer o noso planeta. de Ramon Pastoriza

 

LETRAS GALEGAS 2023 de Ramon Pastoriza

VÍCTOR RIVAS. ILUSTRADOR

Green Colorful Illustrated Small Act to Save Earth Poster de Ramon Pastoriza