GRANXEIROS POR UN DÍA

     O pasado luns, 5 de xuño, fixemos a última saída deste curso; visitamos o Ecoparque Atalaya, en Viascón(Cerdedo-Cotobade). Démoslle de comer aos animais:  galiñas, pombas, patos, ovellas, cabras,... Tamén puidemos ver cabalos e un porco celta. Ah!, e un burro!

     Despois de facer unha pausa para repoñer forzas, leváronnos a unha pequena horta na que plantamos millo e tamén fixemos unha plantación en altura con medias botellas de auga. Despois trouxémola para o colexio. Pasámolo moi ben e esperamos poder volver outro ano. Sería moi chulo poder

tirarse pola tirolina que teñen!

ACCIÓNS PARA SALVAR O NOSO PLANETA

Os alumnos de 2º xuntámonos por equipos. Preguntámonos que podiamos facer para protexer o noso planeta. Tivemos que chegar a acordos para plasmar as ideas máis importantes nun mural,sen repetirnos. Démonos conta de que non é doado poñernos a todos de acordo... pero é necesario aprender a facelo!

Como podemos protexer o noso planeta. de Ramon Pastoriza

XOGANDO COS LEGO

 Os de 2º aprendemos a montar un robot con pezas de lego. Iniciámonos na programación con We Do 2.0

E consegimos que se moveran as aspas do muíño.

XORNADA MEDIOAMBIENTAL NO LAGO DE CASTIÑEIRAS

O pasado venres, 3 de febreiro, pasamos unha estupenda mañán no Lago de Castiñeiras. Grazas á colaboración da Asociación Juan XXIII, que ten un módulo de Formación Profesional Dual nas instalacións do antigo Centro de Recuperación de Aves, puidemos levar a cabo tres tipos de actividades. En primeiro lugar, visitar as instalacións e coñecer os novos proxectos para estes espacios. Despois, da man do Enxeñeiro de Montes Gaspar Bernárdez, percorremos a contorna do lago para coñecer a súa flora e fauna. Tamén pasamos un momento moi emocionante dándolle de comer ás cabras enanas e as ocas que hai dentro do valado. 

Por último, unha accción non menos emocionante, asistimos á plantación de varias árbores. En fin, que por un día nos convertimos en "axentes protectores do noso planeta". Agardamos que poidamos vivir moitos máis momentos coma este. 

Máis fotos na seguinte ligazón: https://photos.app.goo.gl/He5vv6LZ9YeoBpwT8

OS SERES VIVOS

 

Tema 1. los seres vivos from Anabel Cornago

EXCURSIÓN AO MONTE PITUCO

 Un espazo natural con riqueza de flora e fauna, con restos de gravados rupestres e unhas impresionantes vistas de Marín e a súa ría. Témolo á porta da casa pero é descoñecido por moitos. Grazas aos veciños de San Xulián que, no seu día loitaron para que seguira sendo espazo natural. É deber de todos coñecelo e coidalo.

FIN DO CICLO DO VERME DE SEDA: A AVELAÍÑA

 

Xa temos unha AVELAÍÑA, última fase na vida do gusano de seda. O que empezou sendo un ovo, logo unha larva, despois un verme, transformouse en capullo ou crisálida e, finalmente, en avelaíña("polilla"). Na foto vémola movéndose pola parede da caixa.

OS VERMES DA SEDA

 Nas aulas de 1º e 2º vemos como se desenvolve a vida animal no caso singular do VERME DE SEDA. O aproveitamento destes vermes para a producción de seda comezou na China hai miles de anos.

   É un caso de METAMORFOSE, é decir, pasa por distintas fases: 

    1º OVO    2º LARVA   3º EIRUGA    4º CAPULLO/CRISÁLIDA   5º BOLBORETA/AVELAÍÑA

Á dereita, abaixo, unha eiruga.

Crisálida ou capullo(aos dez días)

EXCURSIÓN Á FINCA DE BRIZ. PARQUE DOS SENTIDOS

 

A BOTELLA DA CALMA

 A profesora Ruth propúxonos unha actividade moi interesante: Facer, por grupos, a "Botella da calma". Foi moi emocionante! Necesitamos unha botella de auga de litro e medio, auga fría e auga morne, purpurina, estreliñas e tinte. Cando sacudes a botella, mistúrase todo e provoca un efecto calmante. De agora en diante, se algún de nós está nervioso ou moi preocupado só ten que coller unha botella da calma, axitala e quedarse un pouco mirándoa.

O descubrimento do lume

 Dentro do Proxecto OS INVENTOS QUE CAMBIAN O MUNDO, os de 1º e 2º estamos investigando O LUME. Canto cambiou a vida dos homes primitivos este descubrimento! Co lume podían cociñar os alimentos e dáballes luz e calor.

PLANTAMOS NO HORTO ESCOLAR

   Chegou o tempo de plantar verduras. Agora toca coidalas, regándoas e sacándolle as malas herbas. Seguro que así colleremos uns bos froitos.

DÍA MUNDIAL DO MEDIO AMBIENTE: O BRICORROBOT

 

HORTO ESCOLAR: RECOLLENDO OS FROITOS

 

Onte visitamos o horto escolar para recoller leitugas e sacar as malas herbas. Medraron rapidamente as leitugas, xa están para unha boa ensalada! O malo é que non puidemos plantar para todos e so nos tocaron cinco. Houbo que sortealas. Noraboa aos afortunados!

SEMENTANDO LENTELLAS

 Estes días estamos estudiando as PLANTAS. As plantas son seres vivos que nacen, medran, se reproducen e morren. Para comprobalo levamos todos un vaso de iogur e unhas lentellas. 

LUNS   12  ABRIL

- Sementamos as lentellas

MÉRCORES  14 ABRIL

- As lentellas empezan a xermolar

VENRES   16 ABRIL

- Asoman os primeiros talos

MARTES  20 ABRIL

- Xa medraron varios centímetros os talos 

OS ANIMAIS

Fai clic na imaxe e atoparás vídeos e actividades sobre os animais vertebrados.

O APARATO LOCOMOTOR

 

SEGUINDO ESTA LIGAZÓN ATOPARÁS UNHA ACTIVIDADE INTERACTIVA QUE DEBES COMPLETAR

PRESENTACIÓN DE JOEL: O CORPO HUMANO

        Xa que estamos estudando o corpo humano en Ciencias Naturais, JOEL tivo unha magnífica idea: Preparar unha presentación de diapositivas tipo Power Point. Buscou as imaxes axeitadas,descargounas.Escribiu un texto explicativo de cada imaxe. Ordeou as diapositivas e o resultado foi unha estupenda  presentación. Por último, esta semana amosounos o seu traballo proxectándoo na pantalla interactiva. Grazas por compartir o teu traballo, Joel!

OS COGOMELOS DE MAEL

   O pasado venres, Mael chegou ao colexio cunha cesta de cogomelos. Quería compartir con todos os seus compañeiros a súa afección polos fungos.

   Seus pais iniciárono nela e agora encántalle saír ao monte os fin de semana para recollelos e despois poder degustalos.

  Agora, grazas a Mael, os de 2º curso sabemos un pouco máis dos cogomelos. Por exemplo, sabemos que non debemos coller aqueles exemplares que non coñezamos. Isto é moi importante porque hainos comestibles e non comestibles.  Ademais, amosounos distintos exemplares, como son o boletus edulis ou os cantarelos, entre outros.