Por fin chegou o día da representación. Hoxe, os de 2º, despois de moitos días de ensaio e preparación de escenografía(máscaras, disfraces, tren,...) puidemos por en escea a peza teatral "Viaxe en tren", de Euloxio R. Ruibal. Esperamos que vos gustase; nós pasámolo moi ben. QUE NUNCA SE PERDA A MAXIA DO TEATRO!
.jpeg)
.jpeg)
.jpeg)
O pasado luns, 5 de xuño, fixemos a última saída deste curso; visitamos o Ecoparque Atalaya, en Viascón(Cerdedo-Cotobade). Démoslle de comer aos animais: galiñas, pombas, patos, ovellas, cabras,... Tamén puidemos ver cabalos e un porco celta. Ah!, e un burro!
Despois de facer unha pausa para repoñer forzas, leváronnos a unha pequena horta na que plantamos millo e tamén fixemos unha plantación en altura con medias botellas de auga. Despois trouxémola para o colexio. Pasámolo moi ben e esperamos poder volver outro ano. Sería moi chulo poder
Os alumnos de 2º xuntámonos por equipos. Preguntámonos que podiamos facer para protexer o noso planeta. Tivemos que chegar a acordos para plasmar as ideas máis importantes nun mural,sen repetirnos. Démonos conta de que non é doado poñernos a todos de acordo... pero é necesario aprender a facelo!
Estamos en tempo de entroido, xa cheira a filloas e orellas. Que ricas!
No cole aprendemos a facer filloas coa profe Belén.
Escachamos e batemos tres ovos, botámoslle medio litro de leite, 200 gramos de fariña, unha cullerada de azucre e un chisco de sal. Aínda houbo que bater ben para que quedase un bo amoado.
Probámolas e... para chupar os dedos!
 |
| Coa "filloeira" podíanse facer dúas á vez |
 |
| Que ben están así quentiñas! |
 |
.jpeg)
Un espazo natural con riqueza de flora e fauna, con restos de gravados rupestres e unhas impresionantes vistas de Marín e a súa ría. Témolo á porta da casa pero é descoñecido por moitos. Grazas aos veciños de San Xulián que, no seu día loitaron para que seguira sendo espazo natural. É deber de todos coñecelo e coidalo.
Os de primeiro cantamos o maio xunto aos de 2º A e 2º B. Foi moi divertido. Tivemos que aprendernos a copla e ensaiar varios días. Fixemos o maio con fiuncho e pampullos. Aínda nos dou traballo! Houbo que traballar en equipos de 3 ou catro. Clasificamos o fiuncho por tamaños e quitámoslle o talo aos pampullos. Despois,enfiamos a agulla e cosémolos a xeito de colares. AÍ ESTÁ O RESULTADO. Grazas a dúas mamás, Beni e Ana, puidemos terminar a tempo.
A profesora Ruth propúxonos unha actividade moi interesante: Facer, por grupos, a "Botella da calma". Foi moi emocionante! Necesitamos unha botella de auga de litro e medio, auga fría e auga morne, purpurina, estreliñas e tinte. Cando sacudes a botella, mistúrase todo e provoca un efecto calmante. De agora en diante, se algún de nós está nervioso ou moi preocupado só ten que coller unha botella da calma, axitala e quedarse un pouco mirándoa.
O pasado venres pasámolo moi ben no Tren de Nadal. Fomos cos de 3º, cada un no seu vagón, claro! Pasamos polo centro de Marín e saímos cara a carreteira das praias: Portocelo, Mogor e Aguete. Facía algo de frío pero foi divertido porque lle dixemos OLA a moita xente.
