1º DE ABRIL: O DÍA DO BURRO

     Hai un vello refran galego que di: "O primeiro de abril van os burros a onde non deben ir" . En moitas comarcas de Galicia era tradicional celebrar este día gastando bromas(o mesmo que se fai o Día dos Santos Inocentes). Cando eu era pequeno(antonte) aínda se mantiña ese costume nalgunha aldea de Marín. Nós chamabámoslle "O Día do Burro". Cando lle gastaba unha broma a alguén decías que lle  meteras o burro. Algo así lle pasou a David, le.
   Sabela vivía en Randán,unha pequena aldea da parroquia de Bertoliño. Saíu a xogar ao camiño e atopou ao seu amigo David un pouco despistado e díxolle:
   - Díxome túa nai que foras para a casa enseguida, que ela ten que marchar a traballar e ti tes que quedar con teu irmán pequeno. 
     Ao chegar á casa súa nai preguntoulle por que volvera tan logo.       É que medixo Sabela que ti lle dixeras...
  - E logo, ti es parvo? Non te das de conta que día é hoxe? - díxolle a nai sen deixalo terminar de falar- Hoxe é o 1º de abril e Sabela "meteuche o BURRO"

    Esta celebración está moi extendida por todo Europa. Para os británicos é o April Fool's Day.
                                  ---
Actividades : Inventa unha broma e trata de contarlla a alguén. Que non sexa moi pesada! 
Completa e colorea o debuxo do burro que aparece aquí.
                                 ---